ЭРДЭНЭ ЗУУ хийдийг нэг өгүүлбэрээр
- Ард түмний хандиваар 13 жил бүтээсэн 108 суваргатай.
- Хэрэм нь 400 м.кв, жанжин Сүхийн талбайгаас 2 дахин том.
- Хэрмийг судар барьж гороолоход нэг цаг зарцуулдаг.
- Хархорумын Тахай балгасан дахь сүмийг сэргээснээр суурь нь тавигдсан.
- Бурхан багшид зориулсан сүм хийдийг монголчууд “Зуу” хэмээдэг.
- Баруун Зуу, Дунд Зуу, Зүүн Зуу хэмээх гол цогчинтой.
- Алтан суварганд нь 100 мянган ширхэг бурхан багшийн шавар баримал дүрийг залсан.
- Занабазар хутагтын өвөө Абтай сайн ханы бунхан бий.
- Занабазар хутагтын эцэг Түшээт хан Гомбодоржийн бунхан бий.
- Ажил үйлийг зун цагийн булаг шиг тэтгэдэг Цамба бурханы сүм бий.
- Ард иргэдэд урт нас хайрлахаар заларсан Аюуш бурханы сүм бий.
- Амины хөрөнгөөр босгосон 62 сүмтэй болтол өргөжин тэлж байсан хийд.
- Хархорумын үргэлжлэл, монголчуудын нийслэл мэт суурин байсан хийд.
- 1965 онд улсын зэрэглэлтэй шашны түүхийн музей болсон.
- XYI-XIX зуунд холбогдох 7464 үзмэр бүхий эрдэнэсийн агуулах.
- Монгол улсын хосгүй үнэт эрдэнэсийн санд 120 үзмэр нь бүртгэгдсэн.
- Буддагийн нялх, идэр, өтөл дүрүүд, буддагийн өмнөх дүр Одсүрэн, буддагийн ирээдүйн дүр Майдар, эм хангал Лхам, Эрдэнэ Зуугийн шүтээн Гомбогүр, Оточ Манла, Авид гэгээн, буддагийн 2 шавь Модголжибу, Шаарибу, нарны бурхан Ням, сарны бурхан Даваа, буддагийн 8 мэргэн бодьсадва, Жанрайсиг, шарын шашныг үндэслэгч Богд Зонхов нар заларсан байдаг.
- IY богд амьдарч байсан түвд уран барилгын Лаврин сүмтэй.
- Халх ноёдын чуулган хурдаг 45 м голчтой, 35 ханатай, 1700 уньтай, 15 м өндөр, 200 хүний багтаамжтай Бат-Өлзийт өргөөний буурь бий.
- Цам харайх зэрэгт морь мал, сүсэгтэн олны хөл хорьж байсан шөргөн хашаа бий.
- Эрдэнэ Зуу хийдийг 2004 онд ЮНЕСКО “Дэлхийн өв”-д бүртгэн авсан.

-복사해서 구글 번역으로 보시면 이해하시는데 어렵지 않습니다.